REPETEK, Ang Diyaryo ng Pilipino Sunday, September 22 2019
LADAWAN TRIBAL VILLAGE, MULING BINUKSAN



MULING binuksan ang isa na namang Community-Based Sustainable Tourism (CBST) sa siyudad, ang Ladawan Tribal Village na matatagpuan sa Sienatel Hotel, Brgy. Tiniguiban.

Ito ay sa pamamagitan ng isang Memorandum of Understanding (MOU) na nilagdaan ni Punong Lungsod Lucilo Bayron at Holy Trinity University (HTU) President, Sr. Pinlyn Dahili noong Lunes, ika-11 ng Pebrero sa flag ceremony ng City Government.

Ayon kay City Tourism Officer Aileen Cynthia Amurao, ang salitang “Ladawan” ay mula sa dayalektong Cuyuno na ang ibig sabihin ay “larawan.”

“Ang Ladawan [Tribal] Village ay itinatag ng HTU, five years ago dito sa tabi ng Sienatel [Hotel]. Makikita n’yo ang iba’t ibang style ng bahay ng ating mga IP’s. Hindi po ito nabuksan kung kaya’t sa pamamagitan ng Pamahalaang Lungsod at ng opisina namin (CTO), ito ay bubuksan upang isulong ang ating cultural and heritage tourism,” ang pagbibigay impormasyon ni Amurao sa publiko.

Sa mensahe naman ni Mayor Bayron, sa pagkakaroon aniya ng maraming pasyalan sa lungsod, naniniwala siyang mas dadayuhin pa ang Puerto Princesa ng maraming turista na lalong magpapalakas sa ekonomiya nito.

Sa hiwalay na panayam naman ng Repetek kay Senior Tourism Operations Officer at Promotions and Marketing Division OIC Mitchie Hitosis, sinabi niyang pormal na bubuksan sa publiko ang naturang atraksiyon sa ika-26 ng Pebrero, ika-4:00 ng hapon makalipas ang limang taon na ito ay nasara.

Binanggit din ni Hitosis na ito ay isang “lifetime partnership” sa pagitan ng City Government at Holy Trinity University.

“Matatagpuan [ito] sa compound ng Sienatel. Actually, project nila (HTU), tapos medyo humina sila kaya pumasok ang City Government para tulungan ito (Ladawan Tribal Village)…para magbigay ng aid kasi binuksan na ito five years ago [ng] HTU,” pahayag ni Hitosis.

Aniya, kaya nila sinuportahan ang proyektong ito ay dahil isa sa pokus ng kanilang opisina ang mapanatili at maingatan ang kasaysayan at kultura mayroon ang ating bansa at ng lungsod sa partikular.

Pangunahing atraksiyon umano sa village, ang siyam na tribu mula sa lalawigan na kinabibilangan ng Cuyunon, Agutaynen, Batak, Molbog, Kagayanen, Tau’t bato, Ken’uy, Tagbanua at tribung Palaw’an.

“Walk-in tour [ito] na makikita nila ang sinaunang bahay ng [mga] tribu na ‘yan. Maglalagay ng mga original talaga na members ng IP’s para mag-showcase kung ano iyong ginagawa nila, gawi nila [katulad] ng dances, songs nila. Hindi lang ito para sa mga turista, kundi sa mismong sa atin sa mga locals para alam natin kung ano ‘yung mga sinimulan natin, [kung] ano ba ‘yung mga existing tribes na meron tayo. Open [din] to school para maging field trip nila,” dagdag pa ni Hitosis.

Mayroong entrance fee na P50 ang mga bibisita.

Maaari namang magbenta ng kanilang mga produkto ang mga katutubo sa lugar bilang karagdagan nilang pagkakakitaan.

Positibo rin si Hitosis na ang karagdagang destinasyon na ito ay mas lalong makakahatak ng mga turistang dadayo sa lungsod Puerto Princesa.

“Kasi mas madali iyon kaysa maghahanap pa tayo ng area kung saan natin ilalagay kasi right now, napaka in-demand na magkaroon na tayo ng mga bagong atraksiyon kaya dapat mayroon na tayo agad,” paliwanag pa ni Hitosis.

Samantala, inanunsiyo naman ni Amurao na ang susunod na aayusin at bubuksang atraksiyon ay ang Iwahig Prison and Penal Farm (IPPF).

Ang bahay ng tribung Cuyunon na kabilng sa mga makikita sa Ladawan Tribal Village sa Sienatel, Brgy. Tiniguiban. (PHOTO//Mitchie Hitosis)

Related Articles
P15 MILYONG HALAGA NG SPORTS EQUIPMENTS, NAIPAGKALOOB NA UMANO SA CITY GOVERNMENT
POWER INTERRUPTIONS NOONG BATANG PINOY, ISINISISI NG PALECO SA FIRE CRACKERS
ORDINANSA SA WASTONG PAGTAPON NG BASURA, HINILING NA MULING PAG-ARALAN
‘HINDI AKO PAPAYAG NA MAG-FAIL ANG SATELLITE CITY HALL PROJECT’- BAYRON
DOLE, MULING NAGKALOOB NG LIVELIHOOD PROGRAM
PAMAMAHAGI NG LIBRENG SCHOOL SUPPLIES, HINILING
ISANG CHINESE NATIONAL, NAIS IDEKLARANG PERSONA NON GRATA SA SIYUDAD
REHABILITATION PROGRAM NG CITY ENGINEERING OFFICE SA MAGARWAK, IPINAHIHINTO
ICEMCO, MAY BAGO NANG PANGANGALAGAANG CBST
PAGBABAWAL SA PAGPAPAGALA NG MGA ALAGANG ASO, MAHIGPIT NANG IPATUTUPAD
DILG MEMORANDUM CIRCULAR NO. 2019-121, IPATUTUPAD NA SA LUNGSOD
PPCWD, BUCOR, LUMAGDA SA ISANG JOINT VENTURE AGREEMENT
P250-M HALAGA NG BUCOR ACADEMY, ITATAYO SA IWAHIG
EXITING BENEFICIARIES NG 4P’S, BINIGYANG PARANGAL
5 CBST SA LUNGSOD, NAGING BENEPISYARYO NG LIVELIHOOD PROJECT NG DOLE
PUERTO BAY, POSITIBO ULI SA RED TIDE
P3.4-M SUPPLEMENTAL BUDGET NO. 2 NG LUNGSOD, LUSOT NA SA PINAL NA PAGBASA
MGA MAGSASAKANG APEKTADO NG DROUGHT SA SIYUDAD, PUMALO NA SA 692 INDIBIDWAL
KAHALAGAHAN NG PAGSASAKA, IPINAKIKITA SA GINTONG BUTIL AGRI-FARM
ILAN SA MGA HEAVY EQUIPMENTS NG CITY GOVERNMENT, DUMATING NA!
ITINATAYONG 4 SATELLITE CITY HALL, PAMUMUNUAN NI EX-COUNCILOR RODRIGUEZ
PROYEKTONG PAILAW SA DALAWANG BARANGAY, TAPOS NA
16th CITY COUNCIL, NAGHALAL NA NG BAGONG CHAIRMAN SA MGA BAWAT KOMITE
FOREIGN WORKERS NA WALANG LISENSIYA, HINDI UMANO KUKUNSINTIHIN NI AMURAO
VIRGILIO TAGLE, ITINALAGANG BAGONG DILG CITY DIRECTOR
ILANG MAGTITINDA SA CITY BAYWALK, PAAALISIN
PUERTO PRINCESA 15TH CITY COUNCIL, NAKATANGGAP NG PARANGAL
ANTI FULL-FACE HELMET ORDINANCE, HINDI INAPRUBAHAN NG KONSEHO
ONE-STOP SHOP SA PAGKUHA NG MGA LISENSIYA, LILIKHAIN
121st ARAW NG KALAYAAN, IPINAGDIWANG
PAGBABAWAL SA PAGSUSUOT NG FULL-FACE HELMET, MULING ISINUSULONG
CLOUD SEEDING OPERATIONS NG PPCWD, MATAGUMPAY
NG PWD ID, PURCHASE BOOKLET
CITY WATER DISTRICT, PCSD, IPINATATAWAG SA SUSUNOD NA SESYON
MINIMUM RATE NG MGA JOB ORDER EMPLOYEE NG PPC, PLANONG TAASAN SA 2020
2 FIREFLY WATCHING DESTINATIONS SA LUNGSOD, BUBUKSAN
Newspaper of The Week
Advertise with Repetek
Weather
Currently
Currently
Islam
Lot For Sale
Public Transport Schedule
Bataraza/Rio Tuba
Palawan Shuttle Express Asso. Inc (Palshutex)
Puerto Prinsesa to Rio Tuba and vice versa
5:00am-6:30am,6:30am-8:30am, 11:30am upward daily trips
PCINSP Diosdado S. Alarcon PNP (Ret) - President
Contact Nos. 0917-553-2347 or 0921-594-9733 (for reservation)
Currency Converter