REPETEK, Ang Diyaryo ng Pilipino Sunday, September 22 2019
PAGTATATAG NG ICT COUNCIL SA BAWAT MUNISIPYO, APRUBADO NA SA PROV’L BOARD



AGAD na inaprubahan ng Sangguniang Panlalawigan ng Palawan ang resolusyong layong magtatag ng sariling Information Communication Technology (ICT) Council ang kada munisipyo.

Sa iniakdang hakbang ni PCL-Federation President at Ex-officio member Clarito “Prince” Demaala IV, hiniling niya sa lahat ng mga lokal na pamahalaan sa lalawigan na suportahan ang aprubado ng ordinansa na lumilikha sa Palawan Information and Communication Technology (PICT) Council sa probinsiya na iniakda ni Board Member Albert Rama, kalakip ang panghikayat na lumikha rin ng sariling Council.

“….[I] think, talagang itong digital age natin, hindi na talaga kayang pigilan. Ito po’y, kapag nagkaroon tayo ng ICT Council, they are the ones who will focus on digital technology,” ani Demaala.

Ang pagpapatupad umano sa nasabing ordinansa ay makatutulong ng malaki sa pag-unlad ng lalawigan at ng mga mamamayan.

Sa pagkakaroon umano ng Council na nakapokus sa Information Communication Technology ay hindi lamang napapanahon kundi lubhang kailangan lalo pa’t dahil sa kailangan ng mga tao ang access sa information sa mabilis at madaling paraan na sasakop halos sa lahat ng aspeto ng buhay ng bawat Palawenyo.

Naniniwala rin umano ang Pamahalaang Panlalawigan na sa pamamagitan ng Provincial Ordinance No. 2073 ay bibilis na at magiging madali na ang pagbibigay ng serbisyo ng gobyerno.

“Dahil may DICT na tayo kaya dapat ding maging align tayo na magkaroon ng ICT Council ang bawat munisipyo para ang benepisyo mula sa nasyunal na pamahalaan ay madali na lang i-tap at direktang mapapakinabangan ng mga malalayong munisipyo,” dagdag pa ni Demaala.

Pinuri naman ni Board Member Rama ang naging hakbang ni Demaala na sumusuporta sa ordinansang kanyang inihain at naaprubahan na noong huling kwarter ng 2018.

“In this digital era, information communication technology is very vital in every aspect of our society that’s [why] we have to promote, develop ICT in every municipalities, in every LGU’s. They say that ICT is the greatest equalizer, if we can make everyone have the opportunity to access ICT, then probably magkakaroon ng equality sa society. But as of now, the level of development in our province is medyo behind pa tayo sa ibang mga lugar that is precisely the reason why we passed an ordinance creating the ICT Council in the province of Palawan,” pahayag ni Rama pagkatapos ng sponsorial speech ni Demaala.

Ani Rama, sa pamamagitan nito ay tataas ang awareness hinggil sa ICT sa bawat munisipyo at umaasa siyang mas mapapabilis nito ang pag-unlad ng information at communication technology sa lalawigan ng Palawan.

Sa PICT Council namang binuo, magiging chairman si Gob. Jose Alvarez at ang ilan sa mga magiging miyembro ay ang head o kinatawan ng DOST, DICT, mga unibersidad at ang mga LGU’s.

“Kailangan ng interconnection ng operations ng mga local government units para nang sa ganon, di na masyadong malikot ang mga tao. Halimbawa ako, may property ako sa Roxas, di na ako pupunta sa Roxas para magbayad ng tax ko. Dito na lang ako sa Puerto. Magbabayad na lang ako ng tax ko rito, then accredited na ‘yan doon sa Roxas,” ayon naman kay Rama nang kapanayamin ng local media nang mag-recess ang sesyon.

Maliban dito, inihalimbawa rin ni Rama ang edukasyon na gaya sa ibang bansa ay may online na at hindi na kailangang pumasok sa eskwelahan.

Pinagbatayan naman ng awtor ang nakasaad sa Section 24, Article II ng Saligang Batas ng Pilipinas na kinikilala ng estado ang napakahalagang papel na ginagampanan ng komunikasyon at teknolohiya sa pag-unlad ng bansa. Ayon pa sa may-akda, ang naturang ordinansa ay pagsuporta rin sa Section 27, Article II ng Philippine Constitution na nagsasabing kailangang ipanatili ng estado ang tapat at integridad sa serbsiyo-publiko at gumawa ng positibo at epektibong hakbang laban sa graft and corruption.

ANG regular na sesyon ng Sangguniang Panlalawigan ng Palawan noong ika-19 ng Pebrero na kabilang sa mga natalakay ay ang pagtatayo ng ICT Council sa tanang munisipyo. (DIANA ROSS M. CETENTA)

Related Articles
PAGTATAYO NG MGA PSYCHIATRIC EMERGENCY ROOM, IPINANUNUKALA
ORDINANSANG IPAGBABAWAL ANG PAGSASANGLA NG 4P’S CASHCARDS, ISINUSULONG
ASAWA NG NAWAWALANG MANGINGISDA SA BAYAN NG ROXAS, PALAWAN, NANAWAGAN
MOBILE CLINIC PARA SA NORTE AT SUR NG PALAWAN, HINILING SA DOH-CHD
MGA BAGONG ABOGADO SA MGA ASPIRING LAW STUDENT: ‘WALANG SUKUAN’
SCHOOL-BASED IMMUNIZATION, INILUNSAD NG DOH-CHD MIMAROPA SA PALAWAN
MGA HUGOT, BUMUHOS SA SOCIAL MEDIA DAHIL SA 3 ARAW NA BLACKOUT SA BAYAN NG ROXAS
MAHIGPIT NA PAGSUNOD SA SPEED LIMIT, IPINAALAALA NG PROV’L BOARD SA MGA LGU
ISANG PALM OIL COMPANY SA PALAWAN, SINAMPULAN NG DENR-MIMAROPA
PALAWAN IPMR, MULING UMUPO SA KONSEHO SA PAMAMAGITAN NG HOLDOVER CAPACITY
TOP 5 SA MGA MAY MATAAS NA KASO NG DENGUE SA PALAWAN, INILABAS NG DOH-CHD MIMAROPA
COAL PLANT APPLICATION PALAWAN, BINIGYAN NA NG ECC NG DENR-MIMAROPA
CHINESE FISHING VESSEL, MAS DUMAMI UMANO ANG PRESENSIYA SA WEST PHILIPPINE SEA
TERORISTANG CPP-NPA HADLANG UMANO SA KAUNLARAN, AYON SA WESCOM
PANGANGALAGA SA RASA ISLAND WILDLIFE SANCTUARY, PATULOY NA PINAIIGTING
‘WALANG ABU SAYYAF ANG WESCOM AREA’
MALAMYANG AKSYON NG PILIPINAS SA KABILA NG GINAGAWA NG TSINA SA WPS, TINALAKAY
WESCOM, UMANONG NA-MONITOR NA MISSILE TESTING SA WEST PHILIPPINE SEA
PCL-PALAWAN, MAYROON NG BAHAY-TULUYAN SA LUNGSOD
IKA-10 ANIBERSARYO NG MT. MATALINGAHAN BILANG PROTECTED AREA IPINAGDIWANG
MBLT-3, DARATING SA PALAWAN UPANG HUMALILI SA MBLT-12
NEDA, HINDI UMANO TUTOL SA PAGHAHATI NG PALAWAN SA TATLONG PROBINSYA
14 BILANGGO NG IWAHIG PRISON AND PENAL FARM, MAKALALAYA NA
BANGKA NG MGA MANGINGISDANG PINOY, BINONGGO NG CHINESE VESSEL?
NASA 100 PALAWENYO, LUMAHOK SA BASIC STARTUP WORKSHOP NG DICT, QBO INNOVATION HUB
LOKAL NA PAMAHALAAN NG NARRA, PINAGHAHANDAAN NA ANG IKA-50 ANIBERSARYO
14 CENTENARIAN SA PALAWAN, NAKATAKDANG GAWARAN NG CASH GIFT NG DSWD
FOOD SAFETY SEMINAR, ISINAGAWA NG DTI-PALAWAN
NAWAWALANG DIVER SA TUBBATAHA, PATULOY PA RING PINAGHAHANAP
E-PERMITTING SYSTEM, NAKATAKDANG IPATUPAD NG PCSDS
PNNI, NAGSAGAWA NG TAHIMIK NA KILOS-PROTESTA
KATUTUBONG PALAW’AN NA SANGGOL, AKSIDENTENG NATAMAAN NG PANA SA ULO
SPOTTED WOOD OWL, ISINURENDER NG ISANG CONCERNED CITIZEN
IKATLONG IPMR NG PALAWAN, COA NA LAMANG UMANO ANG KULANG UPANG MAKAUPO
Newspaper of The Week
Advertise with Repetek
Weather
Currently
Currently
Islam
Lot For Sale
Public Transport Schedule
Bataraza/Rio Tuba
Palawan Shuttle Express Asso. Inc (Palshutex)
Puerto Prinsesa to Rio Tuba and vice versa
5:00am-6:30am,6:30am-8:30am, 11:30am upward daily trips
PCINSP Diosdado S. Alarcon PNP (Ret) - President
Contact Nos. 0917-553-2347 or 0921-594-9733 (for reservation)
Currency Converter